alexmed

منتدى طلاب كلية الطب
 
البوابةالرئيسيةس .و .جالتسجيلدخول

شاطر | 
 

 قصة من تأليفي اسمها يا فرجه ماتمت ياريت كله يدخل و يقول رأيه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أحمد القفاص
عضو مشارك
عضو مشارك
avatar

عدد الرسائل : 59
العمر : 31
تاريخ التسجيل : 19/11/2007

مُساهمةموضوع: قصة من تأليفي اسمها يا فرجه ماتمت ياريت كله يدخل و يقول رأيه   12th يوليو 2008, 7:08 pm

خرج عبده من السنيما و هو لسه متأثر بدور محمد سعد في فيلم اللمبي و قال في نفسه:ياسلام ياض يا عبده اللمبي ده حكاية والله،
ياسلام لو ابقى زيه كده و اقعد اضحك كل الناس و ابقى اهبل زيه......و ابلطج عالناس ماحدش هايقدر يكح في وشي.....لأ و ايه كمان ده اتجوز حته مزه في الاخر
مع انه موش قد كده......
بعدين استقر في الاخر انه يجرب الموضوع ده
بعد ماخرج هوه و اصحابه مالسنيما قاله صاحبه ايه ياعبدو انت سرحان في ايه؟؟
رد عليه عبده :عبده مين ياااض انا اللمبي اللمبي فاهم يااااض
صاحبه قعد يضحك طبعا و قال في نفسه :الواد اتعبط ولا ايه ؟ ياللا اهو اخده على قد عقله
و قال لعبده طيب ياسي عبده قصدي يا سي لمبي هاتعمل ايه بعد ماخلصت اخر 5 جنيه معاك عالسنيما (سنيما ب 5 جنيه يا بلاش) و حاتسدد الفلوس اللي عايزها منك الاسطى صبحي الميكانيكي منين؟؟
رد عبده برضو في اسلوب اللمبي:انا عاكلمو يأجلها شويه لحد ماجيبهوملو و بعدين فين يااااض ال 15 جنيه اللي انا عايزهم منك رد ياااض انت صاحبي يعني تستغلني ولا ايه؟؟؟
رد صاحبه دعبس بسرعه: لالالالالالا انت حاتعملهم عليا ،امشي ياااض شوف وراك ايه

فذهب عبده كي يركب المايكرو باص (اللي هو المشروع يعني)و الجو كان حر جدا و الدنيا زحمة
و كان جانبه واحد فداس عبده على جزمته
و طبعا موش محتاج اقول ان عبده ده كان رفيع كده و قصير و مافيهوش نافخه
اول ماداس عبده على جزمته سمع صوت رهيب بيقول :انت ياللا ايه اللي انت هببته ده
عبده قعد يبص عليه و موش عارف يحدد مكان الصوت بالضبط كل اللي حس بيه ان الشمس اختفت فجأة و في ضل كبير جه عليه
فبص فووووووووق قوي لقى راس بني ادم
اه نسيت اقوللكم ان اللي عبده داس على رجله ده كان ماشاء الله حاجه طول الباب كده و عرض اتنين 3 مننا (من الناس العاديين ) و طبعا عبده لسه متأثر بشخصية اللمبي
بس طبعا في الاول لما حس عبده ان الراجل حاجه كده كبيره قوي اتردد شوية بس قال في نفسه :ياعم خوش عليه انت ماشفتش اللمبي كان عامل ازاي، بق فيه بكلمتين و بعدين حايكش طبعا
فرد عليه : انت بتقول لمين ياللا انت ماتعرفنيش ولا ايه دانا اللمبي ياااااض
و كان هذا آخر ماتذكره عبده .....
لانه بعد كده اول مافاق في المستشفى لقى اهله حوليه و صاحبه دعبس(اللي كان معاه في السنيما) ملمومين حوليه و سمع صوت من بعيد بيقول :اهو فاق اهو اخيرا الحمد لله ده بقى له 3 ايام مغمى عليه،
فرد عبده في صوت ضعيف :ليه هو حصل ايه؟
ردت عليه والدته :ياحبيبي يابني الحمدلله انك بقيت بتتكلم ،ده الدكتور قال ان الامل ضعيف انك تتكلم ، اهيء اهيء... و هاتك يا عيااااط
رد دعبس صاحبه: خلاص بقى يا طنط،انا حاحكيله
انا رحتلك البيت ياعبدو عشان نروح نعاكس البت.......
قاطعه عبده في صوت ضعيف برضو:خ وو ش في الموض و وع على طو ول يا دعبس
رد دعبس : حاضر يا سيدي
فجأة رن جرس التليفون قالولنا انهم مستشفى و ان في ناس ولاد حلال لاقوك في حالة ما يعلم بيها الا ربنا
فجبوك على طول، سألنا الناس دي قالولنا ان في واحد ضربك علقة سخنة يعني كام بوكس كده على كام قلم على كام شلووووت، لحد ما اغمان عليك فجبوك المستشفى هنا
الدكتور قاللنا ارتجاج في المخ و دخلت في غيبوبة 3 ايام....
رد عبده في وهن و ضعف : الله يخرب بيت السنيمات عاللي بيروحوا السنيمات أنا كان مالي و مال السنيمات توبة اني اروح سنيما تاني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
vaquero
عضو جديد
عضو جديد
avatar

عدد الرسائل : 12
العمر : 30
تاريخ التسجيل : 01/07/2008

مُساهمةموضوع: رد: قصة من تأليفي اسمها يا فرجه ماتمت ياريت كله يدخل و يقول رأيه   12th يوليو 2008, 8:42 pm

موضوع رائع جدا يدل على خفة دم و موهبة لا شك فيها لكن......................مش عارف حاسس في حاجة غلط يعني انت قلت قصة و أنا ما شفتش غير موقفين واتمنى انك تطور موهبتك و تكتب بالفصحى ويااااااااااااااارب أشوفك كاتب ساخر كبيييييييييييييييير قد الدنيا وتناطح كبار الكتاب الساخرين زي أحمد رجب و أحمد خالد توفيق...............
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أحمد القفاص
عضو مشارك
عضو مشارك
avatar

عدد الرسائل : 59
العمر : 31
تاريخ التسجيل : 19/11/2007

مُساهمةموضوع: رد: قصة من تأليفي اسمها يا فرجه ماتمت ياريت كله يدخل و يقول رأيه   12th يوليو 2008, 9:25 pm

ربنا يخليك يارب
بس أنا كان قصدي انها قصة قصيرة
خفيفة يعني
و بالنسبة للغة
انا باحاول انقل موقف زي ماحصل بالضبط
يعني موش ممكن واحد زي عبده ده يتكلم باللغة العربية الفصحى
بس هوه ده قصدي
وان شاء الله لو فضيت هابقى اكتب قصص اطول
بس اصل دي اول مرة و كنت عايز اعرف رد الفعل من الناس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dr_ahmed
مدير عام
مدير عام
avatar

عدد الرسائل : 823
العمر : 30
تاريخ التسجيل : 02/10/2007

مُساهمةموضوع: رد: قصة من تأليفي اسمها يا فرجه ماتمت ياريت كله يدخل و يقول رأيه   13th يوليو 2008, 3:30 pm

cheers cheers cheers

يا سلام عليك

جميل والله

بالنسبه لاول مره

king king king
تمام يا برنس

ومستني مواضيعك وقصصك الجميله

sunny sunny sunny

كنت مخبي ده عنا فين

هههههههههه

______________________



اربح مليون حسنة والله يضاعف لمن يشاء http://www.zzrz.com/mlion.htm


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.alexmed.forumpro.fr
أحمد القفاص
عضو مشارك
عضو مشارك
avatar

عدد الرسائل : 59
العمر : 31
تاريخ التسجيل : 19/11/2007

مُساهمةموضوع: رد: قصة من تأليفي اسمها يا فرجه ماتمت ياريت كله يدخل و يقول رأيه   13th يوليو 2008, 3:33 pm

بجد ردك ده شجعني قوي
ألف شكر عالرد
معلش أنا عارف ان فيها غلطات كتير
بس ان شاء الله اللي جاية تكون أحسن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصة من تأليفي اسمها يا فرجه ماتمت ياريت كله يدخل و يقول رأيه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
alexmed :: المنتدى الكووووووووول :: منتدى ضحك حتى الموت-
انتقل الى: